加強溝通《高峰熱話》迎挑戰

威爾斯親王醫院同事在員工論壇用話劇、唱歌等生動方式，介紹唔同職系同事喺冬季服務高峰期嘅應對措施。

踏入冬季服務高峰期，醫管局上下做足準備，應對挑戰。今年，總辦事處為咗加強同前線同事嘅溝通，會發布員工通訊《高峰熱話》，提供最新嘅冬季服務高峰期資訊，解答前線同事關注嘅議題。同事亦可用手機掃瞄《高峰熱話》上嘅二維碼，登入網上表格（Google form），發表你嘅意見。如果同事有具體問題或訴求，可提供相關醫院及部門等資料以便跟進。

此外，多個醫院聯網早前亦舉辦員工論壇，由管理層講解有關嘅應對措施，如增聘醫護人手和增加病床。另因應服務需求激增，醫管局大會通過，2019年1月28日至4月30日期間，提高特別酬金津貼金額10%，以支持同事喺服務高峰期參與特別酬金計劃。