新系統方便易用 助你搵工升職
HR今年4月底推出全新網上招聘系統（Taleo），大家除咗可透過電腦、手機或平版電腦瀏覽同申請職位外，仲可以用埋人力資源應用程式 （HR App）搵工。新系統加強咗搜尋功能，只要輸入關鍵字就可搜尋心水職位。
新系統亦將申請表格嘅問題歸類，助你建立個人檔案。你亦可選擇「上載履歷表」，系統會自動辨認PDF及WORD等文件格式，並嘗試自動填寫申請表格內的相關欄位。若未能一次過填晒資料，申請表可存為草稿，等你隨時繼續完成餘下嘅程序。
大家最好預留時間熟習使用新系統，留意首次使用新系統時需要重新登記帳戶一次便可，提交申請前記得上載同double check所需文件同資料，千祈唔好截止前一分鐘先提交申請呀！
