「極端情況」之返工安排
踏入夏天，又到颱風暴雨頻繁嘅季節。Helen知道政府公布咗新修訂嘅《颱風及暴雨警告下工作守則》。如因超強颱風出現「極端情況」，即公共交通服務嚴重受阻、廣泛地區水浸、嚴重山泥傾瀉或大規模停電，政府可能發出「極端情況」公布。喺「極端情況」生效期間，即八號颱風警告取消後兩小時期間，除咗必要人員，同事應留喺原來地點或安全地點，唔駛趕住返工。記得留意兩個鐘期限屆滿前，政府有無延長或取消「極端情况」公布。「極端情況」取消後，同事應根據復工安排返工。如果路程有延誤，要盡快通知主管，以便適當調配。詳情可瀏覽內聯網通告。
一圖睇明返工安排
