小家電進駐網購平台
最近，大家有冇發現合作社網上店http://www.ha-co-op-shop.com.hk入咗一啲好夠份量嘅新貨，估唔估到係咩？答案就係小家電。
小家電包括抽濕機、吸塵機、風扇、空氣清新機、多功能萬用鍋、電蒸籠、高速煲同麵包機等，聽聞部分售價仲平過其他協會，同事如果有興趣，就要預先俾錢確認訂單，用埋醫管局聯營卡，仲可以儲雙倍積分。除咗用聯營卡，仲可以揀用ATM入數，但記得保留入數紙作為記錄。所有訂單一經確認，不得取消或更改，雖然喺特別情況下，可以轉買其他相同或較高價值的電器，但就要俾$200行政費，所以確認訂單前要考慮清楚呀！
送貨方面，都係同以往一樣，可以選擇送去港九新界嘅醫院（包括北大嶼山醫院）或診所。貨品種類同牌子都會陸續增加，合作社稍後會去部分醫院巡迴擺檔宣傳，大家要留意啦！
Helen仲知道有部分餐廳同酒樓嘅精選禮券只限HA有得買！咁多優惠，仲唔快啲登入醫管局內聯網員工福利網頁http://staff-welfare.home/chi/publish_c1.html或HR App，了解最新筍貨動向！
