生命小鬥士回家了!

你我眼中的瑪麗醫院

瑪麗醫院為慶祝80周年,早前喺中環交易廣場搞咗個圖片展,超過50張珍貴照片呈現公眾眼前。睇過展覽嘅人都話「啲相好靚,好有現場感,好似新聞相。」講到咁厲害,Helen就問瑪麗同事呢啲靚相出自邊啲高人之手,答案原來有啲相係香港攝影記者協會會員之作。

為咗將醫護團隊最真實一面呈現眼前,瑪麗醫院同香港攝影記者協會進行為期一個月嘅合作。駐場攝記會喺特定位置日夜輪班,捕捉最真、最感動人心嘅照片。至於,好似BB出世同器官移植手術嘅緊張時刻,就由同事通知攝記,攝記收到call,就會9秒9飛去醫院,影低最珍貴嘅一刻。


準媽媽的最強後盾 ─ 助產士。手術枱上爭分奪秒。

今次呢個圖片展,仲包括「瑪麗八十攝影比賽」同事及公眾嘅得獎作品,風格雖然同攝記唔同,但從大樓變遷到醫患共融嘅畫面,同樣拍得真實又窩心!


視病如親的醫生。我很小,但我很堅強。

Helen揀咗啲精彩照片俾大家欣賞,照片亦會喺瑪麗醫院K座一樓canteen附近分批展出,展期至明年4月,大家亦可登入專頁www.qmh80.com瀏覽比賽得獎作品。

分享至Facebook 分享至微博 分享至Google 分享至Twitter

 

▲返回頂部