跑手留意 長跑出賽備忘
醫管局長跑喺3月1日（星期日）舉行，比賽路線以香港體育學院為起點，沿城門河跑返去體院衝線。跑手當日記住留意以下幾點：
► 記得食早餐同穿著合適嘅跑步裝備
► 帶齊比賽所需物品，如號碼布、行李袋、水樽等
► 跑前做適當熱身同伸展運動
► 留意天氣同空氣質素健康指數，詳情可瀏覽環境保護署網頁
► 視乎政府有關部門嘅批核，今年單車路封路措施預計會由沙燕橋起封至彭福公園（雙子橋前），跑手記得留意跑道上嘅告示
► 當日仲可以齊齊上網玩遊戲，贏取禮物。記得留意現場公佈詳情啦！
另外，今年長跑籌款紀念品十分精美，所有捐款同事都可獲手機指環扣支架；捐款$300至$499，可額外得到HA環保購物袋；捐款$500或以上可額外得到防水袋。善款會撥入醫管局慈善基金，支持病人服務項目，同事踴躍支持啦！
