森美：捐血感覺像初戀！
香港人熱愛旅遊，相信大家應該計劃緊聖誕節去邊度玩。不過，唔少旅遊熱點都有潛在傳染病風險，為確保收集嘅血液安全，外遊人士回港後可能需暫緩至少28天方可捐血。
為呼籲公眾支持同保持穩定嘅血液供應，香港紅十字會輸血服務中心最近邀請旅遊達人森美推廣「旅行前捐血」訊息。拍攝宣傳片期間，森美仲憶述當年母親生他時曾大量出血，過程十分驚險，全靠善心人的血液，才令他倆母子平安。他回想起第一次捐血的過程，笑言：「感覺像初戀，既緊張又興奮。」捐血後，佢話自我感覺良好，甚至想重溫嗰種感覺！
森美希望更多市民參與恆常捐血，特別係年青人，希望佢哋能帶起捐血熱潮，幫助更多有需要嘅病人和家庭。
旅遊係樂事，捐血係善舉，兩者結合變成雙重快樂，何樂而不為？
按此觀看森美現場拍攝花絮。
