兩大新猷加強溝通

退休繼續用HR App

你係咪就快退休？今年4月開始，退咗休嘅同事都可以繼續用HR App喇！同事喺退休前一年，HR App版面上會自動出現「退休天地」嘅icon，方便你計劃假期同埋瀏覽相關退休資訊。退休前三個月，只要喺「退休天地」登記，退休後就可以繼續使用HR App帳戶；至於已經退休嘅同事，可到原本所屬聯網嘅人力資源部登記，然後下載退休員工版，繼續使用HR App。

護士有話兒

另外，2016年嘅機構員工意見調查發現，80後嘅Y世代和護士組別俾嘅評分較低，人力資源部會喺5月進行一項焦點調查「『護』有話說」，邀請所有登記護士同註冊護士參加。呢班護士同事中95%都係嘅Y世代嘅年青人，到時記得喺內聯網、HR App同Nursing App登入調查網頁發表意見呀！