叮噹的故事

意料之外，叮噹來了！

「Sister（護士長），我地接收左叮噹呀！果個吊TPN（全靜脈營養）同suicide（自殺）果個呢？」
「果個叮噹唔係book左對面ward（病房）床咩？ 點解會係我地接收左？」
「我都唔知點解，總知就係我地收左！ MO（醫生）話佢要住院至少三個月。」

叮噹患有多種病：XXXXX；XXXXXX；XXXXX；XXXXX；XXX；XXXXXX & XXX……
是外科病人，內科病人，又是IT（傳染病）病人 。
不是外科病人，不是內科病人，又不是IT病人 。
留院兩個月，住了六個不同的病房。
少年叮噹，有多次自殺行為。
不能進食，卻會偷走偷食。

「叮噹，我係病房護士長，醫生話你要係呢個病房留醫三個月，希望你能夠住得舒舒服服，等個病快的好翻。如果你有乜野需要，可以同我或者其他姑娘講，我地會盡力！」
「唔，是但！」
叮噹閉上眼睛，瘦長的身影背著我，無奈的回應已向我們投下不信任的一票。

叮噹確實加添我們不少工作壓力。除了suicidal precaution（自殺預防）之外，換TPN 同 dressing（敷料）也要花上不少時間。
「你地take care（照顧）叮噹有冇問題？ 如果對面ward有空床，駛唔駛將叮噹轉回對面ward？」
「Sister, 呢道已經係叮噹住既第七個病房，我地想盡力而為，希望有continuity of care（持續護理），唔想佢轉去其他病房。」
「Sister，我地會看緊佢，希望佢可以係呢道出院。」
護士A 同護士B同樣有關愛病人的心，灑脫得如我心目中的流水與行雲。

「叮噹情緒點呀？啋唔啋人呀？」
「你問佢就答，唔係好主動！不過我地一有時間就會同佢講野。」
「佢咁後生，病左禁耐，又轉左禁多個ward，又唔食得野，實會唔開心！」
「我地要話比佢知，其實佢個病係好轉緊，叫佢要耐心的！」

有一天，叮噹跟我們說：
「姑娘，醫生話遲的要轉我到普通病房，我唔想轉病房。」
「呢道好過普通病房咩？ 你的病重未好，仲時不時發燒，我地唔會放你走住。」

如是者，過了一段時間。
「咦，咁快同叮噹換完TPN同dressing？」
「唔係，佢見你地禁忙收急症，叫我出黎幫你地，佢話佢可以幫自己貼dressing同換衫。」

沒多久，叮噹漸露歡顏，還時常跟病房護士開玩笑。
「喂！星星姑娘，月亮姑娘，我的「雞水」(TPN)吊完啦，你地邊個同我換雞水呀？」
「叮噹呀，星星姑娘月亮姑娘話佢地好忙，叫你自己攪掂佢喎！」
「你地竟然禁對待我，我話俾Sister 知！」
「有人時時偷食，我又話俾Sister 知！」

兩個月前只有四十五公斤體重的叮噹，現在的體重是五十五公斤。圓圓的笑面更覺調皮可愛。他已經可以進食「軟餐」，有時在我們「隻眼開、隻眼閉」之下，他也會離開病房，「偷食」其他食物。

兩個多月後，叮噹終於出院。

病人痊癒離開，正是大家一直期待的，為何大家總是有失落的感覺？因為見到叮噹，同事們好像見到自己努力的成果。

星星、月亮、流水、行雲姑娘對叮噹無私的接納，足以化解他的冰山。

     「耐心與愛心，溫暖人心」

作者:內科及藥物治療學系護士聶艷芳