一句自我介紹 增強醫患互信

病人嚟到醫院或診所，面對未知嘅病情，難免感到忐忑不安，但只要同事簡單一句問候，就可以扭轉病人一日嘅心情，令病人睇病睇得更安心。

由九龍西醫院聯網舉辦嘅「您好，我係……」活動，透過鼓勵同事主動向病人介紹自己，拉近醫患之間嘅距離。當病人對醫護人員更加信任，佢哋就會更願意分享病情同討論治療方法，提升病人就診經驗同醫療服務嘅成效。

為咗推廣自我介紹文化，九龍西醫院聯網近兩年嚟舉辦一系列精彩活動，包括巡迴攤位遊戲、電郵簽名檔設計比賽、網上有獎問答遊戲等，明愛醫院護士團隊更創作打油詩宣傳活動理念。各個活動反應熱烈，各院員工都積極響應！聯網希望透過呢個活動，推廣自我介紹變成醫護日常一部分，為病人營造更友善更溫暖嘅治療環境。

宣傳短片