myHR App新功能「我至fit」即將上架

醫管局應用程式myHR App將於12 月推出集健康與時尚新功能嘅「我至Fit」！一app在手，同事就可以記錄變fit 過程，將結果開心share 俾朋友，一路做運動，一路賺取HA FITcoins！

解構「我至Fit」

「個人跑」同「團隊跑」
「跑，原來都可以咁好玩！」只要有心，人人都可以做跑手，隨時隨地超越時間地域界限，並根據自己嘅程度選擇合適嘅個人跑步目標（3/10/21/42公里），想跑短、中、長距離都無問題，你亦可以跟自己步伐分多日完成㗎！

自己一個跑悶悶哋欠缺動力？快啲搵返幾個隊友組隊（四人一隊）一齊跑又得，分開各自跑又得，合力完成100公里，互相鞭策齊齊變fit 啲！

小挑戰
想挑戰自己嘅體能、想激發自己嘅潛能？體能小挑戰能夠考驗你嘅恆心同鍛鍊體能，持續完成精選項目仲可以賺取額外HA FITcoins！

每週最FIT 榜
想越跑越勇同鼓勵其他跑手一齊跑快啲就記得check吓「每週最FIT榜」，睇吓邊個跑得快過你喇！

紀念品獎賞
做運動最緊要開心！累積HA FITCoins換禮物，你嘅汗水係有價值！