九龍西全新白袍登場

九龍西醫院聯網最近推出咗全新醫生袍，改良手袖設計，又增加口袋空間，方便同事工作兼加強感染控制，預計最快今年底投入生產，供該聯網同事使用。

設計師之一、瑪嘉烈醫院/北大嶼山醫院矯形及創傷外科（骨科）副顧問醫生阮文瀚話，聯網嘅醫生袍已好多年無更換設計，但時代已有改變，例如醫生巡房都會帶iPad，傳呼機又轉為智能電話，有必要改良白袍。

另一設計師、瑪嘉烈醫院一級物理治療師楊映燕就話參考過唔少本地同海外醫院白袍設計，各部門亦提出唔少意見，經過多次改良同揀料，仲有埋「XXL」碼。兩位設計師話見到同事反應咁雀躍，都覺得好有成功感！