HA Go新猷 管理健康好幫手
一站式手機應用程式 HA Go自面世以來不斷推出新猷，最近新增嘅功能更關顧埋家人，Helen覺得好貼心呢！
多功能「照顧者」
病人可以邀請家人或看護者成為「照顧者」，幫手查閱覆診期、康復訓練日程表同影片，仲可以支付醫院賬單；至於過敏紀錄、過去兩年的配藥紀錄都一目了然。大家亦可以隨時編輯「照顧者」同「我照顧的人」列表，一次過管理家人嘅醫療活動，咁就唔使擔心家中老友記唔記得食藥覆診啦！
簡易「預約普通科門診」
而家可以透過 HA Go「預約普通科門診」功能，為自己和他人預約全港任何一間普通科門診嘅診症時間，仲會顯示各區診所嘅診症名額狀況；加上24小時運作，方便大家隨時隨地輕鬆預約、查詢同埋取消診期。
「醫管局與你」搬家了
另外提提大家，提供醫院診所聯絡電話、醫療收費、各科輪候時間等實用資訊嘅「醫管局與你」應用程式，已經整合喺 HA Go成為其中一個單元，大家可以繼續經 HA Go內嘅HA Connect瀏覽相關資訊。
Helen聽聞 HA Go嚟緊仲有好多新功能，大家密切留意啦！下載 HA Go
Helen聽聞 HA Go嚟緊仲有好多新功能，大家密切留意啦！下載 HA Go