有「種」快樂人生

Helen 早前經過總辦事處二樓職員餐廳外嘅露天花園，見到好多好靚嘅植物，有生菜、秋葵、蘆薈等。細問之下，原來總辦事處去年底開展園藝計劃，鼓勵同事綠化環境，亦希望同事喺工作間都可以享受耕種樂趣。以下就有兩位同事分享佢哋嘅種植心得。

Twiggy種過蕃薯、羽衣甘藍，同埋小甜椒。佢會提早返公司淋水，幫忙打掃園藝角，清理落葉。「計劃令我有機會同其他部門同事交流種植心得。例如經同事推介後，我正試用辣椒和洋蔥汁，噴喺葉子和泥土上除蟲。見到植物發芽成長，已經十分開心，收穫與否並唔重要。」

Maggie經常喺辦公室種植觀賞花卉，而喺園藝角就種過南瓜同車厘茄。佢嘅耕種心得係把種子先浸水才放入泥土，咁樣會比較容易發芽；而淋水嘅最佳時機係早上同黃昏，因為中午時分淋水，會令葉子過熱枯萎；星期五放工後就要淋多啲水，確保植物喺周末都有足夠水分。